UFC on ESPN 72 иштирокчилари тарозига чиқишди, асосий жанг қатнашчиси вазн қила олмади

UFC on ESPN 72 турнири жангчилари одатдагидек расмий тарозидан ўтиш маросимида ҳозир бўлишди. Оқшомнинг асосий жанги ўрта вазн тоифасида Роман Долидзе ва Энтони Эрнандес ўртасида ўтказилади. Айнан Эрнандес белгиланган вазн меъёрини бажара олмади. У ўрта вазн лимитидан 0.5 фунт (0.227 кг) ортиқча вазн кўрсатди ва энди ўз гонорарининг маълум бир қисмини Роман Долидзега беради. 

Вазн қила олмаган фақат Энтони эмас. Яна икки жангчи ҳам белгиланган вазн меъёридан ортиқча вазнга эга экани ойдинлашди. Аёллар ўта енгил вазн тоифаси вакиласи Жоселин Эдвардс 61.9 кг тош босди. Бу белгиланган меъёрдан 0.25 фунт (0.113 кг)га кўп дегани. У ҳам гонорарининг маълум қисмини рақибаси Присцила Кечоейрага беради. 

Шунингдек, яна бир аёл жангчи Юлия Столяренко ҳам белгиланган вазнни қила олмади У тарозида 57.3 кг тош босди. Лимитдан ортиқча 0.25 фунт (0.113 кг) вазнга эга бўлган Юлия энди рақибаси Габриелла Фернандес (56.9 кг)га гонораридан улуш беради. 

UFC on ESPN 72 тарози натижалари

Асосий кард жанглари

Роман Долидзе (84.2 кг) – Энтони Эрнандес (84.6 кг) 

Стив Эрцег (61.5 кг) – Оди Осборн (61.5 кг)

Анджела Хилл (52.6 кг) – Ясмин Лусиндо (52.2 кг)

Андре Фили (66.2 кг) – Кристиан Родригес (66.2 кг)

Майлс Жонс (61.7 кг) – Жин Мацумото (61.7 кг)

Эрик Андерс (84.4 кг) – Кристиан Лерой Данкан (83.9 кг)

Прелим кард жанглари

Рафаэль Серкейра (92.1 кг) – Жулиус Уокер (93.4 кг)

Тошиоми Казама (61.7 кг) – Элайжа Смит (61.7 кг)

Присцила Кечоейра (60.8 кг) – Жоселин Эдвардс (61.9 кг) 

Урош Медич (77.6 кг) – Гилберт Урбина (77.6 кг)

Габриелла Фернандес (56.9 кг) – Юлия Столяренко (57.3 кг)

Коди Брандейж (91.8 кг) – Эрик МакКонико (92.7 кг)