UFC on ESPN 72 турнирининг барча жанглари натижаси битта хабарда + ФОТО

Хабар берганимиздек, оқшомнинг асосий жанги ўрта вазн тоифасида ўтказилиб, унда америкалик Энтони Эрнандес грузиялик Роман Долидзени тўртинчи раундда самбишен, яъни ортдан бўғиш усули билан мағлубиятга учратди. Бу америкалик аралаш яккакураш устаси учун фаолиятидаги 20-ғалаба бўлди. 

Турнирнинг co-main event жанги ўта енгил вазнда ўтказилди. Унда дивизион рейтингида ўнинчи ўринни эгаллаб турган Стив Эрцег Оде Осборнга қарши октагонга чиқди. Уч раунд тўлиқ давом этган жангда Стив Эрцег ҳакамларнинг якдил қарори (29-28, 29-28, 29-28) билан ғалаба қозонди. Бу билан Эрцег ўзининг учта мағлубиятли сериясига барҳам берди.  

UFC on ESPN 72 турнирининг барча натижалари

Энтони Эрнандес Романа Долидзени бўғиш усули билан таслим этди — (4-раунд, 2:45).

Стив Эрцег Оде Осборндан очколар бўйича устун келди (29-28, 29-28, 29-28).

Ясмин Лусиндо Анжела Хиллни очколар бўйича енгди (30-27, 30-27, 29-28).

Андре Фили Кристиан Родригесни ҳакамларнинг айри қарори билан ютди (29-28, 28-29, 30-27).

Жан Мацумото Майлс Жонсни мағлубиятга учратди (29-28, 28-29, 29-28).

Кристиан Лерой Данкан Эрик Андерсни 1-раундда техник нокаутга учратди (1-раунд, 3:53).

Жулиус Уокер Раффаэль Серкейрани очколар ҳисоби бўйича мағлуб этди (30-27, 30-27, 30-26).

Элайж Смит 1-раундда Тосиоми Кадзамани нокаут қилди (1-раунд, 4:10).

Жоселин Эдвардс Присцила Кашоэйрани 1-раунда нокаут эвазига таслим этди (1-раунд, 2:24).

Урош Медич Гилберт Урбинни 1-раундда нокаутга учратди (1-раунд, 1:03).

Габриэлла Фернандес Юлия Столяренкодан очколар ҳисоби бўйича мағлубиятга учратди (29-28, 29-28, 30-27).

Эрик Макконико Коди Брандейждан устун келди (29-28, 27-30, 29-28).

Навбатдаги UFC турнири бир ҳафтадан сўнг ўтказилади. Рақамланган 319 турнирининг асосий жанги ўрта вазн тоифасида — амалдаги чемпиони Дрикус дю Плесси ҳамда даъвогар Хамзат Чимаев ўртасида бўлиб ўтади. Ушбу турнир доирасида ҳамюртимиз Нурсултон Рўзибоев  ҳам октагонга чиқади.