10 авг 09:00
Янгиликлар

Бокс/ММА

UFC on ESPN 72 турнирининг бонус соҳиблари маълум

Лас-Вегас шаҳридаги "Apex Arena"да ўтган UFC on ESPN 72 турнирида мукофот пулларига эга чиққан жангчилар эълон қилинди.

Кафолатланган гонорардан ташқари қўшимча 50 000 АҚШ доллари миқдоридаги бонуслар тўрт нафар жангчига тақдим этилди. Оқшомнинг асосий жангида грузиялик Роман Долидзени тўртинчи раундда самбишен, яъни ортдан бўғиш усули билан мағлубиятга учратган америкалик Энтони Эрнандес бонусларнинг бирига эга чиқди.

Шунингдек, ёрқин жанг учун 50 000 долларлик мукофот пулини Кристиан Лерой Данкан, Элайж Смит ва Жоселин Эдвардс ҳам қўлга киритди. Уларнинг уччаласи ҳам рақибларини муддатидан аввал мағлубиятга учратишди. Бу турнирда "энг яхши жанг" аниқланмади. Аниқроғи, 12 та жангнинг ҳеч бири бу мақомга лойиқ кўрилмади.