14 сен 10:29
Янгиликлар

Бокс/ММА

UFC президенти Тони Фергюсонга янги рақиб изламоқда

UFC президенти Дэна Уайт собиқ вақтинчалик чемпион Тони Фергюсонга янги рақиб излаётганини маълум қилди.

Уайтнинг айтишича, Тони Фергюсон ва Дастин Порье ўртасидаги жангни ўтказиш имконияти нол фоизга тушган.

"Бу жангни ўтказишимизга ишончим комил эмас. Шу сабабдан ҳам Тони Фергюсонга бошқа рақиб излашни бошладим", — деди Уайт UFC Fight Night 177 турниридан кейинги матбуот анжуманида.

Эслатиб ўтамиз, аввалроқ Дастин Порье Тони Фергюсон билан Хабиб - Гэтжи оқшомида жанг ўтказиш истаги борлигини айтганди. Кейинчалик унинг ўзи бу жангнинг имкони йўқ деб чиққан эди.