09 янв 07:48
Янгиликлар

Бокс/ММА

UFC расман оғир вазндаги қизиқарли жангни эълон қилди + ПОСТЕР

21 февраль куни АҚШнинг Хьюстон шаҳрида ўтказиладиган UFC Fight Night 267 турнири карди яна бир қизиқарли жанг билан тўлдирилди.

Оқшом доирасида оғир вазн тоифаси жангчилари - Молдова вакили Сергей Спивак ва хорватиялик Анте Делия октагонда ўзаро тўқнаш келади. Иккала оғир вазн тоифаси жангчилари ҳам мағлубият билан ушбу жангга қайтади. Қизиғи, уларнинг ҳар иккиси ҳам доминиканлик Вальдо Кортес-Акостага ютқазган.

Акостадан қабул қилинган мағлубиятдан икки ой олдин хорватиялик Делия UFC’даги дебютини муваффақиятли ўтказганди. Ўшанда у биринчи раундда Марчин Тибурани нокаутга учратган эди. Спивак ўтган йилнинг январида биринчи раунддаёқ Жаилтон Алмейдага техник нокаут билан ютқазганди.

Айни пайтда Сергей Спивак ва Анте Делия ташкилотнинг оғир вазн тоифасидаги рейтингида мос равишда еттинчи ҳамда тўққизинчи ўринларни эгаллаб турибди.