30 июл 10:46
Янгиликлар

Бокс/ММА

UFC рейтинги янгиланди: Богдан Гусков нечанчи ўринга кўтарилди?

Бу борада аралаш яккакураш устамиз UFC`даги ўзбек жангчиларининг рекордини янгилашга муваффақ бўлди.

Богдан Гусков шанба оқшомида Абу-Дабидаги UFC турнирида россиялик яримоғир вазн тоифаси вакили Никита Криловни биринчи раундда нокаутга учратганди. Жангга қадар Никита UFC рейтингида 10, Богдан эса 13-ўринни эгаллаб турганди.

Янгиланган рейтингда жангчилар деярли ўзаро ўрин алмашиб олишди. Гусков Топ-10 рейтингида дебют қилган илк ўзбекистонлик жангчига айланди. Айнан унинг ўзи аслида UFC рейтингига киритилган биринчи ўзбекистонлик бўлганди. Ҳамюртимиз 13-поғонадан 10-ўринга кўтарилди. Крилов эса 10-ўриндан 12-поғонага тушди. Вазн чемпиони Магомед Анкалаев, рейтинг пешқадами собиқ чемпион Алекс Перейра бўлиб турибди.