20 май 09:50
Янгиликлар

Бокс/ММА

UFC рейтинги янгиланди: Двалишвили Стриклендни ортда қолдирди

Теглар : UFC Fight Night 276 Мераб Двалишвили

Ўтган дам олиш куни Лас-Вегасда ўтган UFC Fight Night 276 турнири жангчиларнинг ташкилот рейтингидаги ўрнига деярли таъсир қилмади, бироқ дивизионларда ўтказилган тадбир билан боғлиқ бўлмаган кичик ўзгаришлар юз берди.

Хусусан, турнирнинг асосий жанги иштирокчилари Арнольд Аллен ва Мелкизаэль Коста ярим енгил вазн тоифаси рейтингида ўз ўринларида қолишди. Аммо энг яхши жангчилар рўйхатидан Патрисио "Питбул" Фрейрени сиқиб чиқарган Жош Эмметт дивизионнинг энг Топ-15`талигига қайтди.

Турнирнинг дастлабки кардида Жаклин Кавалканти устидан ҳакамларнинг якдил қарори билан ғалаба қозонган Кэтлин Виера аёллар ўртасидаги енгил вазн тоифаси рейтингида бешинчи ўринда қолди. Унинг рақиби эса, аксинча, бир поғонага кўтарилиб, Кэрол Роза билан дивизионнинг кучли ўнталигини якунлади.

Ташкилотнинг вазн тоифасиидан қатъи назар энг яхши жангчилари рейтингида Шон Стрикленд билан еттинчи ўринни эгаллаган Мераб Двалишвили ўрта вазн тоифасидаги UFC чемпионини саккизинчи ўринга сиқиб чиқарди. Енгил вазн тоифасида эса Маурисио Руффи, аксинча, ўнинчи ўриндан тўққизинчи ўринга кўтарилди.

Худди шундай ҳолат ярим ўрта вазн тоифасида рўй берди, рўйхатда ўн тўртинчи ўринни эгаллаб турган Урош Медич Майкл Пейжни ўн учинчи ўринга тушириб юборди.

Аёллар ўртасидаги энг енгил дивизион рейтингида Яна Сантос (8) бир поғонага пастлаган бўлса, ташкилотнинг биринчи энг енгил дивизионида Амана Лемос (6) аксинча, бир ўринга юқорилади.