05 авг 13:01
Янгиликлар

Бокс/ММА

UFC рейтинги янгиланди: Тайра кучли бешликда, Гусковнинг дўсти ҳам энди рейтинг аъзоси

Ultimate Fighting Championship Лигаси сўнгги турниридан кейин ўз рейтингларида янгиланишни амалга оширди.

Ундаги энг муҳим янгилик сифатида ўта енгил вазн тоифасида фаолият олиб борувчи япониялик Татсуро Тайранинг бир поғона юқорилаб, бешинчи ўринга кўтарилганини айтиш мумкин.

25 яшар спортчи 3 август куни кореялик Хьюн Сунг Паркни муддатидан олдин енгганди. Ушбу дивизиондаги хамюртимиз Рамазон Темиров 13-ўринни сақлаб турибди.

Бундан ташқари, ўзбекистонлик атлет Богдан Гусковнинг дўсти ва жамоадоши, бразилиялик Вальтер Уокер ҳам илк бор ташкилот рейтингидан ўрин олди. У 14-ўринга жойлаштирилди.