01 июл 11:12
Янгиликлар

Бокс/ММА

UFC рейтинги янгиланди: Топурия P4P рейтингининг янги қироли!

Якшанба тонгида бўлиб ўтган UFC 317 турниридан кейин ташкилот ўз рейтингини янгилади.

Энг катта ўзгариш бу енгил вазн тоифаси чемпионига айланган грузиялик Илия Топуриянинг вазн тоифасидан қатъи назар энг кучлилар Топ-15`талигида биринчи ўринга кўтарилиб олгани бўлди. Ислам Махачев эса энди иккинчи.

Махачев шунингдек, енгил вазн тоифасида Топуриянинг камари учун биринчи рақамли даъвогар сифатида қолдирилди.

Бундан ташқари, ўта енгил вазн тоифасида камар учун биринчи рақамли даъвогар америкалик Брэндон Ройвални енгган Мьянма вакили Жошуа Ван бирданига 11 поғона юқорилаб, биринчи ўринга жойлаштирилди. Ройвал эса энди учинчи ўринда. Ушбу вазн рейтингида 13-поғонани банд этиб турган ҳамюртимиз Рамазон Темировнинг қозоғистонлик бўлажак рақиби Асу Алмабаев ҳам битта қуйи ўринга тушиб, тўққизинчи бўлиб қолди.