UFC рейтинги янгиланди. Волкановски P4P рейтингида кўтарилди, Гусковнинг вазнида ҳам ўзгаришлар бор

Мусобақанинг марказий жангида Диего Лопесни очколар ҳисобига кўра мағлуб этиб, ярим енгил вазн тоифасида UFC чемпионига айланган Александр Волкановски P4P рейтингида икки поғона юқорилаб, тўққизинчи ўринга жойлашди. Ўта енгил вазн чемпиони Пантожа ва оғир вазн тоифасидаги вақтинчалик чемпион Том Аспиналл бир поғонадан пастлади.

Ярим оғир вазн тоифасида эса Доминик Рейес саккизинчи ўринга кўтарилиб олди. Мазкур дивизионда фаолият юритувчи ўзбекистонлик аралаш якка кураш устаси Богдан Гусков рейтингнинг 13-ўрнида бормоқда.

Энг кўп ўзгаришлар ярим енгил вазн тоифасида кузатилди. Холлоуэй биринчи рақамли даъвогарга айланди. Лопес эса мағлубиятга қарамасдан, бир поғона кўтарилди. Вазнни тарк этган Топурия учинчи ўринга тушди. UFC 314да ғалаба қозонган Жин Сильва илк бор рейтингга киритилди.

Пэдди Пимблетт эса Майкл Чендлерни мағлуб этганидан кейин тўрт поғона юқорилаб, саккизинчи ўринга чиқди. Чендлер 12-ўринга тушиб кетди.