14 июн 11:13
Янгиликлар

Бокс/ММА

UFC россиялик аёл жангчи билан шартнома имзолади

UFC промоушенидаги россиялик аралаш яккакураш усталари сони яна биттага кўпайди.

Енгил вазн тоифасида ўз жангларини ўтказиб келаётган 27 ёшли Дарья Железнякова бундан буён UFC лигасида октагонга кўтарилади. Дарья сўнгги учта жангини Франциянинг Ares Fighting Championship байроғи остида ўтказган эди.

У грузиялик яккакураш маликаси Лиана Жожуани ҳакамларнинг якдил қарори билан мағлубиятга учратиб, Мелиссе Маллинзга техник нокаут эвазига ютқазиб қўйган эди. Охирги жангини 7 апрель куни Мари Луазога қарши ўтказиб, рақибасини техник нокаутга учратганди.

Унгача Железнякова GIT Sech, MMA Series ва Open FC лигаларида ўз жангларини ўтказган. Ҳисобида 8 ғалаба ва 1 мағлубият бор.