UFC ростеридаги энг кекса жангчи фаолиятини якунлади

Гап америкалик 42 ёшли енгил вазн тоифаси вакили Винс Пичел ҳақида кетмоқда. У профессионал ММАдаги фаолиятини расман якунлаганини эълон қилди. Винс 2012 йилда UFC промоушенида дебют қилган эди. Лекин Лигадаги муддат учун нисбатан кам жанг ўтказди - 12 та! Сўнгги жангини шу йилнинг март ойида Мехикодаги UFC турнирида Рафа Гарсияга қарши ўтказиб, очколар ҳисобига кўра имкониятни бой бериб қўйганди. Бу унинг кетма-кет учинчи мағлубият эди. 

"Ортда қолган фаолиятим ҳақида узоқ гапиргим келяпти. Лекин қисқарор қиламан: 42 ёшимда расман ММА жангчиси сифатидаги фаолиятимни якунлайман. Натижалар турлича бўлди, лекин умумий фикрим ижобий ва фаолиятимдан мамнунман. Катта ва машаққатли йўлда менга ёрдам берган, елкама-елка бўлган барчага миннатдорлик билдираман. Айнан сизлар сабаб калифорниялик йигит шундай натижаларга эришдик. Сўнгги сўзим: қалбингиз буюрган ва ўзингиз тўғри деб билган ишни қилинг. Ўқишда, ўрганишда, изланишда давом этинг", – деди Винс Пичел.