UFC USADA билан судлашиши мумкин. Лиганинг кейинги ҳамкори ҳам тайин

Гап шундаки, USADA Макгрегор допинг назоратига кирган кундан бошлаб олти ойдан кейин октагонга қайтиши мумкинлигини таъкидлаган. UFC эса ирландиялик жангчининг декабрь ойида Майкл Чендлерга қарши жанг қилишини бу ҳолатдан истисно қилмоқчи эди. Шундан сўнг, турли манфаатлар туфайли ташкилотлар ҳамкорликни тўхтатишга қарор қилишди.

ESPN US нашри хабарига кўра, USADA аллақачон UFC томонидан судга даъво қилиниши тўғрисида хабардор қилинган. Лига USADA'ни Конор Макгрегор билан боғлиқ ҳолатда тухмат уюштирган деб ҳисобламоқда.

UFC эса бундан буён антидопинг масалалари бўйича DFSI (Drug Free Sport International) билан ҳамкорлик қиладиган бўлди. DFSI антидопинг ташкилоти АҚШда NFL, NBA каби йирик мусобақа ташкилотчилари билан ҳамкорликда иш олиб боради.