UFC ярим ўрта вазн рейтингида бу йил умуман жанг ўтказмаган Раҳмонов кўтарилди

Хусусан, ярим ўрта вазн тоифаси рейтингида мағлубият нималигини билмай келаётган қозоғистонлик аралаш яккакураш устаси Шавкат Раҳмонов бир поғонага юқорилаб, 2-ўринга кўтарилиб олди. 

2025 йил ҳисобидан битта ҳам жанг ўтказмаган Раҳмонов Иан Мачадо Гарри билан ўрин алмашиб олди. Мачадо учинчи ўринга тушди. Шавкат 2024 йилнинг 8 декабрь куни айнан Мачадони очколар ҳисобига кўра мағлубиятга учратган эди. Улардан юқорироқда фақат ушбу вазннинг собиқ чемпиони австралиялик Жек Делла Маддалена бор. Вазн чемпиони Ислам Махачев.

Ярим ўрта вазн тоифаси рейтингининг Топ-15`талигида яна битта ўзгариш рўй берган. Унда Жефф Нил ва Колби Ковингтон ўзаро ўринларини алмашиб олишган. Қолган жангчилар 2025 йилни ўзгаришсиз, ўз ўринларида якунлайдиган бўлишди.