26 дек 15:09
Янгиликлар
UFC йилнинг энг яхши жангчисини эълон қилди
2022 йилнинг энг яхши жангчиси pound-for-pound рейтинги етакчиси, ташкилотнинг енгил вазн (65 кг гача) тоифасида амалдаги чемпиони, австралиялик Алекс Волкановски (25-1) бўлди.
34 ёшли Волкановски иккита жанг ўтказди. Апрель ойида UFC 273 турнири доирасида Жанубий кореялик Чен Сунг Жонгга ҳеч қандай имконият қолдирмади ва уни тўртинчи раундда тўхтатди. Июль ойида эса UFC 276 турнирида америкалик Макс Холлоуэй билан трилогияга нуқта қўйди ва хакамларнинг якдил қарори билан зафар қучди. Алекс 11 февраль куни енгил вазн тоифаси чемпиони Ислом Махачев билан жанг қилади.
Иккинчи ўрин Исраэль Адесаньяни мағлуб этиб, ўрта вазн дивизиони чемпионига айланган Алекс Перейрага насиб этди. Учинчи ўрин эса Чарльз Оливейра билан жангда камарни қўлга киритган Махачевга тегишли.
Кучли ўнликка, шунингдек, Вэйли Чжан, Леон Эдвардс, Марлон Вера, Алжамейн Стерлинг, Жамал Хилл, Иржи Прохазка и Роман Долидзи кирди.
Фикрлар