UFC`дан ҳайдалган Муҳаммад Мокаевнинг фаолиятини қайси лигада давом эттириши маълум

Энди у фаолиятини Brave CF лигасида давом эттиради. Бу хабарни шахсан промоушен президенти Муҳаммад Шахид тасдиқлади. Brave CF штаб-квартираси Баҳрайнда жойлашган. 

"Мокаевга нисбатан ноҳақлик бўлди. Унга тайинли айблов ҳам қўя олишмади. Характерни сабаб сифатида кўрсатишяпти. Бўлар иш бўлди. Дунёнинг энг кучли жангчиларидан бири билан шартнома имзолаганимиздан хурсандмиз. Унинг яна сафимизга қайтиши шунчаки фантастика! Муҳаммаднинг промоушенимиз имиджини янада кўтарилиши учун хизмат қилишига ишонаман", - деди Brave CF президенти. 

Эслатиб ўтамиз, Мокаев 27 июль куни Манчестер шаҳрида ўтган UFC 304 турнирида дунёнинг кучли лигасидаги еттинчи ғалабасини қўлга киритганди. Ўшанда у Манель Капени очколар ҳисобига кўра мағлубиятга учратган эди. Рейтингнинг олтинчи поғонасини эгаллаб турган британиялик 24 ёшли аралаш яккакураш устаси ўша жангдан кейин лигадан челлатилганди.