UFС чемпиони навбатдаги жанги санаси ҳамда рақибни ошкор қилди

Чемпион навбатдаги рақиби дивизионнинг собиқ қироли Исраэль Адесанья бўлишини тасдиқлади. Бу ҳақда Жанубий Африка Республикаси шарафини ҳимоя қилиб келаётган Дю Плессининг ўзи ижтимоий тармоқдаги саҳифаси орқали хабар берди. 

"Афтидан, уни яна кимдир Австралияни мағлуб этишларини хоҳламоқда. Мен ишдаман ва ўша инсон истаётган нарсани мен ҳам хоҳаяпман. Африка қироли билан унинг она ватанида жанг қилишга тайёрман. Изи, яна ҳаммаси сенинг фойдангга бўлмаяпти", - деди Дю Плесси. 

Эслатиб ўтамиз, ўтган ҳафтада дунёнинг энг кучли лигаси UFC 305 турнири 17 август куни Австралиянинг Перт шаҳрида ўтказилишини расман эълон қилганди. Хабарда айтилишича, ушбу оқшомнинг марказий жанги ўрта вазннинг амалдаги чемпиони Дрикус Дю Плесси ҳамда собиқ камари соҳиби Исраэль Адесанья ўртасида бўлиб ўтади.

Ўтган йилнинг сентябрь ойида Сиднейда ўтган UFC 293 турнирида Адесанья Шон Стриклендга очколар ҳисобига кўра имкониятни бой бериб, ўрта вазндаги UFC чемпионлик камарини бой берганди. Шу йилнинг январида эса Дрикус Дю Плесси  америкалик Стриклендни ҳакамларнинг айри қарори билан енгиб, дивизионнинг янги чемпионига айланган эди.