"Уимблдон-2026". Полина Кудерметова иштирокидаги баҳс 73 дақиқа давом этди

Хабар берганимиздек, тарихда илк бор Ўзбекистоннинг бир йўла уч теннис маликаси "Катта Дубулға" турнирининг асосий тўрида иштирок этмоқда. Уларнинг икки нафари бироз аввал ўзларининг илк учрашувларини ғалаба билан якунлаб, 1/32 финал босқичига йўл олишган эди. 

Афсуски, ҳозиргина якунига етган учрашувда WTA рейтингида 113-поғонада бораётган мамлакатимизнинг учинчи ракеткаси Полина Кудерметова дунёнинг 41-ракеткаси, россиялик Людмила Самсоновага икки сетда ҳам бир хил ҳисобда имкониятни бой бериб, мусобақа билан хайрлашди - 3/6, 3/6.

Полина асосий тўр баҳсларига саралаш турниридаги учта ғалабаси эвазига етиб келганди. Кудерметова 3, Самсонова 1 та эйс зарбасини амалга оширди. Қўшхатолар вакиламизда кўпроқ бўлди - 3 га 1. Бу теннисчиларнинг ўзаро ўтказган учинчи учрашуви бўлди. Бугун рус теннисчиси ҳисобда олдинга чиқиб олди - 2:1.