Уимблдон. Амалдаги чемпион 4,5 соатлик учрашув ўтказди

ATP рейтингида 138-ўринни эгаллаб турган италиялик Фабио Фоньини биринчи даврада испаниялик теннисчига жиддий қаршилик кўрсатди. Алькарас 4 соату 27 дақиқа давом этган учрашувда 7/5, 6/7(5), 7/5, 2/6, 6/1 ҳисобида ғалаба қозонди. Теннисчиларнинг ўзаро учрашувларидаги ҳисоб йириклашди - 3:0. 

Алькарас 14, Фоньини 1 та эйс зарбасини амалга оширган. Иккала теннисчи ҳам худди келишиб олгандек бир хилда - 9 тадан қўшхатога йўл қўйди. Карлос фаолиятида 5 сет давом этган 15 та учрашувининг 14 тасида зафар қучган. Ягона мағлубиятини Australian Open-2022 турнирида италиялик Маттео Берреттинидан қабул қилиб олган. Энди у иккинчи босқичда британиялик Оливер Тарветга қарши кортга чиқади.