09 июл 15:05
Янгиликлар

Теннис

Уимблдон. Арина Соболенконинг юриши давом этади

Сайёрамизнинг иккинчи ракеткаси Арина Соболенко "Катта Дубулға" туркумига кирувчи Уимблдон турнирининг тўртинчи даврасига йўл олди.

Беларуслик теннис маликаси 82 дақиқа давом этган учинчи давра учрашувида рейтингнинг 40-поғонасидан жой олган россиялик Анна Блинковани ортиқча қийинчиликсиз мағлубиятга учратди - 6/2, 6/3. Теннисчиларнинг ўзаро барча учрашувларида Арина зафар қучган - 3:0.

Блинкова 4, Соболенко 8 та эйс зарбани амалга оширган. Қўшхатолар 6 га 8 кўринишида бўлди. Арина 5, Анна 2 та брейк қайд этди. Беларуслик теннисчи 1/8 финалда россиялик Екатерина Александровага қарши кортга чиқади.