Уимблдон. Дунёнинг биринчи ракеткаси бошлади

Умумий мукофот жамғармаси 38 миллион 828 минг фунт стерлинг (тахминан 53 млн доллар)ни ташкил этувчи мусобақанинг аёллар ўртасидаги баҳсларида Арина Соболенко муваффақиятли старт олди. Дунёнинг биринчи ракеткаси биринчи даврада WTA рейтингида 194-поғонада бораётган канадалик Карсон Брэнстинни 6/1, 7/5 ҳисобида мағлубиятга учратди.

Бу теннис маликаларининг ўзаро ўтказган илк учрашуви эди. Етмиш тўрт дақиқа давом этган баҳсда Соболенко 3, Брэнстин 7 та эйс зарбасини амалга оширган. Қўшхатолар океан орти вакиласида кўпроқ бўлди 4 га 3. Брейклар бўйича мутлақ устунлик эса Арина томонида - 3 га 0! Энди беларуслик теннисчи иккинчи босқичда Мари Боузковага қарши кортга чиқади. Чехиялик теннисчи биринчи даврада Янги Зеландия вакиласи Лулу Сундан устун келди - 6/4, 6/4.