Уимблдон. Жокович 5 сетдан иборат учрашув ўтказди

Дунёнинг учинчи ракеткаси Новак Жокович мусобақанинг чорак финалида ажойиб камбэкни амалга оширди. Сербиялик юлдуз сетлар бўйича 0:2 ҳисобида ютқаза туриб, якунда иродали ғалабага эришди. 

Новак Жокович ATP рейтингида 13-ўринни эгаллаб турган италиялик Янник Синнерни 5/7, 2/6, 6/3, 6/2, 6/2 ҳисобида мағлубиятга учратди ва ярим финалга йўл олди. Теннисчиларнинг ўзаро учрашувларидаги ҳисоб 2:0 кўринишига келди. 

Уч соату 39 дақиқа давом этган баҳсда Жокович 7, Синнер 8 та эйс зарбани ижро этган. Қўшхатолар Новакда 5, Янникда эса 7 тани ташкил этди. Сербиялик 6, италиялик эса 4 та брейкни амалга оширган. 

Маълумот учун, Новак Жокович фаолиятида еттинчи бор 0:2 ҳисобидаги мағлубиятдан ғалаба билан чиқиб кетди. Бу унинг "Уимблдон" турниридаги қаторасига қозонган 26-ғалабаси бўлди.