22 фев 15:43
Янгиликлар

Теннис

Жессика Пегула Дубайдаги WTA 1000 турнири чемпиони бўлди

Дунёнинг бешинчи ракеткаси Жессика Пегула БААнинг Дубай шаҳрида якунига етган нуфузли теннис турнири ғолибасига айланди.

Америкалик теннисчи финал учрашувида WTA рейтингида тўққизинчи ўринни эгаллаб турган украиналик Элина Свитолинани ортиқча қийинчиликсиз мағлубиятга учратди - 6/2, 6/4. Пегула теннисчиларнинг ўзаро учрашувлари ҳисобида олдинда бормоқда - 6:3.

Етмиш уч дақиқа давом этган финал баҳсида Пегула 3, Свитолина 2 та эйс зарбасини амалга оширган. Қўшхатолар Элинада кўпроқ бўлди - 5 га 2. Брейклар бўйича устунлик эса табиийки, ғолиба томонида бўлди - 4 га 1.

Дубай шаҳридаги бир ҳафталик муваффақиятли иштирок Жессика Пегулага 1000 рейтинг очкоси ҳамда 665 000 АҚШ доллари миқдорида мукофот пули келтирди. Свитолина эса 385 000 доллар ҳамда 650 очко рейтинг очкоси ишлаб олди.