22 фев 15:22
Янгиликлар

Бокс/ММА

Хабиб Нурмагомедов тренажёр залида қандай вазн билан ишлаётганини кўрсатди + ФОТО

Енгил вазнда собиқ UFC чемпиони, Шон-шараф зали аъзоси Хабиб Нурмагомедов ижтимоий тармоқдаги саҳифасига янги пост жойлаб, обуначиларига янги сурат билан кўриниш берди.

Хабиб спорт залида қандай оғирлик билан ишлаётганини кўрсатди.

"Уйқудан олдин 90 кг!", - деб ёзди Нурмагомедов.

Эслатиб ўтамиз, Хабиб Нурмагомедов аралаш яккакурашлардаги фаолияти давомида 29 та жанг ўтказиб, уларнинг барчасида ғалабага эришган. UFC’да 13 та ғалаба қайд этган. Сўнгги жангини америкалик Жастин Гэтжига қарши ўтказган. Уларнинг жанги 2020 йил октябрь ойида UFC 254 турнири доирасида бўлиб ўтган ва Хабибнинг иккинчи раундда "учбурчак" бўғиш усулидаги ғалабаси билан якунланган эди.