22 фев 16:25
Янгиликлар

Футбол

Криштиану Роналду: "Саудияда бахтлиман, шу ерда қолишни истайман"

"Ал Насср" ҳужумчиси Криштиану Роналду Саудия Арабистони чемпионатининг 23-туридан ўрин олган "Ал Хазм"га (4:0) қарши ўйиндан сўнг келажаги ҳақидаги саволга жавоб берди.

"Мен Саудия Арабистонидаман. Бу ерда яшашни давом эттирмоқчиман. Бу мени, шунингдек, оилам ва дўстларимни илиқ кутиб олган мамлакат. Мен бахтлиман ва шу ерда қолишни истайман”, — деди Роналду.

Аввалроқ 41 ёшли португалиялик норозилик билдирган ҳолда жамоанинг бир неча ўйинини ўтказиб юборганди. Хабар қилинишича, Роналду Саудия Арабистони суверен фонди (ПИФ) томонидан клубнинг бошқарилишидан норози бўлган.

Роналду "Ал Насср" сафида 2023 йилнинг январидан буён ўйнаб келмоқда. У бунгача "Манчестер Юнайтед”, "Ювентус”, "Реал" ва Лиссабоннинг "Спортинг" клубларида ўйнаган.