Уимблдон. Жокович - Алькараз учрашуви ғолиби беш сетда аниқланди + ФОТО

Сўнгги финал учрашуви эркаклар ўртасидаги яккалик баҳси бўлиб, унда дунёнинг биринчи ракеткаси, испаниялик Карлос Алькараз мусобақанинг амалдаги ғолиби, сайёрамизнинг иккинчи рақамли теннисчиси, сербиялик Новак Жоковичга қарши кортга чиқди. 

Финал ўз номига мос бўлди. Беш сет давом этган учрашувда Алькараз 1/6, 7/6(6), 6/1, 3/6, 6/4 ҳисобларида ғалаба қозониб, Уимблдон-2023 чемпионига айланди. Бош соврин соҳибини аниқлаб берган учрашув 4 соату 45 дақиқа давом этди. Учинчи сетнинг бешинчи гейми 27 дақиқага чўзилди.   

Карлос икки ҳафталик меҳнатидан 2000 рейтинг очкосиси ҳамда 2 350 000 фунт стерлинг (3 миллион доллардан кўпроқ) ишлаб олди.