"Уимблдон" мусобақага ташриф буюрувчилар сони бўйича рекорд ўрнатди

Бу йил "Катта Дубулға" турнирига 515 164 киши ташриф буюрган. Aввалги рекорд 2009 йилда ўрнатилган эди - 500 397 киши.

Бу йил биринчи марта 13 эмас, 14 ўйин куни бўлди, чунки "Уимблдон" турнирнинг биринчи якшанбасида анъанавий дам олиш кунидан воз кечди. Ўша куни мусобақага 40 мингга яқин мухлис ташриф буюрган.

Шу билан бирга, турнирнинг дастлабки беш кунида 25 000 та чипта сотилмаган. Маълум қилинишича, гап асосан иккинчи даражали кортларга арзон чипталар ҳақида кетмоқда. 

Шунингдек, қўшимча равишда турнир куни чипта сотиб олиш учун виртуал навбатни жорий этиш кўриб чиқилган.

Эслатиб ўтамиз, ташкилотчилар турнирнинг дастлабки кунларида сўнгги 15 йилдаги энг кам ташриф туфайли вақтинчалик ишчилар штатини зудлик билан қисқартирган эди.