23 июн 11:51
Янгиликлар
Футбол
Украина терма жамоаси футболчилари мукофот пули олишмайди
Украина терма жамоаси футболчилари Евро-2016даги иштирок учун ҳеч қандай мукофот пуллари олишмайди.
Бу маълумотни терма жамоа бош мураббийи Михаил Фоменко ҳам тасдиқлади. Украиналик футболчилар гуруҳ босқичида Германия ва Шимолий Ирландияга бир хил 0:2, Польша терма жамоасига эса 0:1 ҳисобида имкониятни бой берганди.
“Мукофот пуллари шунчаки иштирок учун эмас, ғалабага берилади”, - деди Фоменко ТСН каналига берган интервьюсида.
Маълумот учун, Украина терма жамоаси Европа чемпионатининг гуруҳ босқичида битта ҳам очко олмаган ва гол киритмаган ягона жамоа бўлди.
Ҳавола :
Фикрлар