UZ

Сўнгги янгиликлар

10:52Португалия Евро-2024`да фойдаланадиган либослар намойиш этилди + ФОТО 0 10:31Ига Свёнтек ўз рекордларини янгилаб боряпти 0 10:10Конор Макгрегор эҳтимолий уч рақиб номини айтди 0 09:49Новак Жокович МБА афсоналари билан учрашди + ФОТО 0 09:28АПЛ клубидан 4 очко олиб ташланди 0 09:07Соболенко Топ-10`да 200, Алькараз эса 100-ҳафтани ўтказяпти 0 08:46Спорт вазирининг навбатдаги манзили - Сирдарё вилояти! 0 08:25Майк Тайсоннинг Жейк Полга қарши жангдан қанча гонорар ишлаб олиши айтилди 0 08:10Тезкор. Бектемир Мелиқўзиевнинг навбатдаги жанги санаси маълум бўлди. Ҳамюртимиз Райан Гарсия - Девин Хейни кардида рингга чиқади! 0 08:04Ўзбекистон Суперкубогида ишлайдиган ҳакамлар номи эълон қилинди 0 07:43Камончиларимиз Қашқадарёда жам бўлишди 0 07:22Магомед Курбанов: "Мен ҳам, Исроил ҳам текинга жанг қилдик" 0 07:01Қашқадарёда ногиронлиги бўлган шахсларни спортга жалб қилиш масалалари муҳокама қилинди 0 19:26Криштиану Роналду фаолиятини қайси клубда якунлашини айтди, бу "Ал Насср" эмас 0 19:05"Чилимлар олиб келиш, ичиш ва чекиш". Қозоғистонлик боксчи терма жамоада бўлган ҳолатлар ҳақида гапирди 0

11 июл 18:04
Янгиликлар

Оғир атлетика, Токио-2020

Улар Олимпиадага боришади – Руслан Нуриддинов!

Рио-2016 Олимпия ўйинларига йўлланма олган спортчиларимизни таништиришда давом этамиз. Бу галги қаҳрамонимиз – оғир атлетика бўйича катталар ўртасидаги мамлакатимиздаги ягона жаҳон чемпиони Руслан Нуриддинов!

Руслан Нуриддинов – 1991 йилнинг 24 ноябрь куни Андижон вилоятида туғилган. Чин маънода Истиқлол фарзанди. Хонабод оғир атлетика мактаби тарбияланувчиси. Ушбу спорт тури билан шуғулланаётган акаларига ҳавас қилган Русланда 5 ёшдан спортга бўлган қизиқиш уйғонди. Аввалига ҳавас туфайли оғир атлетика залига борган Нуриддинов вақт ўтиши билан бу спорт тури билан жиддий, профессионал тарзда шуғуллана бошлади.

Истеъдодли атлетимиз халқаро майдондаги дастлабки айтишга арзигулик ғалабасини 2009 йили БААда ўтган ўсмирлар ўртасидаги Осиё чемпионатида қўлга киритган. Ўшанда у олтин медалга сазовор бўлганди.


2010йил Руслан Нуриддинов учун халқаро майдонда аҳамиятга молик бўлган яна бир нуфузли мусобақанинг ўтказилганлиги билан ёдда қолди. 19 ёшли ҳамюртимиз Туркиянинг Анталия шаҳрида бўлиб ўтган катталар ўртасидаги жаҳон чемпионатида илк бор иштирок этди. Гарчи у якунда 10-ўринни эгаллаган бўлсада, бу натижа мутахассислар томонидан яхши кутиб олинди.

2011 йилги оғир атлетика мавсуми қаҳрамонимиз ҳаётида янги саҳифанинг очилиши билан ёдда қолди. Руслан Францияда ўтган жаҳон чемпионатининг штангани силтаб кўтариш баҳсларида кумуш медални қўлга киритди.

2012 йил Руслан Нуриддиновнинг ҳаёти ва фаолиятида алоҳида бир мавсум сифатида муҳрланди. У ҳар бир спортчининг орзуси, тўрт йилликнинг энг нуфузли мусобақаси хисобланган ёзги Олимпия ўйинларида иштирок этди. Бундан ташқари, Жанубий Кореяда ўтган Осиё чемпионатида шохсупанинг энг юқори поғонасига ҳам кўтарилди.


2013 йил оғир атлетикачимиз учун ҳар томонлама муваффақиятли келди. Руслан аввалига Ўзбекистон чемпионатида ғолиб бўлди. Кейин Осиё чемпионатида ҳам ўз вазн тоифасида қитъанинг тенгсиз атлети деб топилди. Бутунжаҳон Талабалар Универсиадасида ҳам ҳамюртимизга тенг келувчи рақиб топилмади. Ниҳоят, Польшанинг Вроцлав шаҳри мезбонлик қилган 80-жаҳон чемпионатида ўзбек ўғлони дунёнинг мана-ман деган полвонларини ортда қолдириб, олтин медани қўлга киритди. Руслан Нуриддинов – жаҳон чемпиони!

2013 йил 30 октябрь. Бу кун Руслан Нуриддинов ҳаётида бир умрга муҳрланди. Шу куни ҳамюртимиз “Ўзбекистон ифтихори” фахрий унвони билан тақдирланди. Бундан ташқари, айнан шу йили “Ўзбекистон Республикасида хизмат кўрсатган спортчи” унвонига ҳам лойиқ кўрилди.


2014 йил Нуриддинов учун осон бўлмаслиги аввалдан маълум эди. Боиси, у аввалги муваффақиятлари тасодифий эмаслигини исботлаши керак эди. Амалда ҳам шундай бўлди. Руслан нафақат жаҳон чемпиони бўлди, балки жаҳон рекордини ҳам янгилади.

Андижон замини ўғлони ёш бўлишига қарамай, қисқа фурсат ичида оламшумул ютуқларни қўлга киритди. Айнан Руслан Нуриддиновга ҳавас қилиб, оғир атлетика билан ошно тутинаётган ёшлар сафи кенгайиб боряпти. Орзулари осмон Руслан Нуриддиновга Рио-2016 Олимпиадасида олий орзуси рўёбга чиқишини чин дилдан истаймиз. Истагимиз юртимизда Руслан Нуриддиновнинг издошлари кўпайсин! Зеро, ҳеч бир соҳа мамлакатни спортчалик дунёга тез танита олмайди.


Камолиддин АЛИМОВ тайёрлади


Рейтинг:    

Фикрлар

   
11 июл 20:23:49
-MaN-UniteD-/10/
Бу спорт турини соғлиққа фойдаси борми?
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг