"Уларнинг барчаси билан шартнома тузмоқчиман". Дана Уайт — жаҳон бокси юлдузлари ҳақида

Шу билан бирга, у бошқа промоутерлар билан шартномага эга спортчиларни ўз томонига оғдириб олишни мақсад қилмаганини таъкидлади.

"Тўрт ой аввал ҳамма бу рақобатдан завқланаётган эди. Энди эса негадир ҳеч ким хурсанд эмас. Нима ўзгарганини тушунмайман. Шахсан мен ҳали ҳам бундан катта эмоция олмоқдаман. Бўлаётган барча жараёнлар менга ёқяпти. Назаримда, ҳозир бу ҳолатдан роҳатланаётган ягона одам менман.

Аввал ҳам айтганимдек, якуний хулосаларни йил охирида чиқарамиз. Ҳозирча ҳаммаси яхши кетмоқда. Мен бошқалар нима қилаётгани ҳақида ўйламайман. Бу мени умуман ташвишлантирмайди. Агар бизга ҳақиқатан ҳам шундай хат келган бўлса, биз ҳеч кимнинг шартномасига аралашишга уринмаяпмиз.

Яқинда шундай ҳолат бўлди: бир йигит биз билан мулоқот қила бошлади, кейин кимдир: “Унинг амалдаги шартномаси бор”, деди. Агар инсоннинг шартномаси бўлса, биз дарҳол музокараларни тўхтатамиз. Биз фақат эркин агент бўлган ва қонуний равишда музокара олиб бориш ҳуқуқига эга спортчилар билан гаплашишни истаймиз.

Мен жангчиларни шартномалари амал қилиб турган пайтда ўз томонимизга оғдириб олиш ёки шунга ўхшаш ишлар билан шуғулланмайман. Аммо мендан: "Шакур Стивенсон билан шартнома тузишни истармидингиз?” деб сўрашса, албатта, истардим. Дэвин Ханейчи? Мен уларнинг барчаси билан шартнома тузмоқчиман. Қачонки уларнинг шартномалари якунланса ва биз билан қонуний асосда музокара қилиш имконига эга бўлишса, ҳаммаси билан гаплашамиз", — деди Уайт.