Улуғбек Раҳмонов: "Жаҳон чемпионатининг Ўзбекистонда бўлиши бизга куч беради"

Бу сафар жаҳон чемпионати совриндори Улуғбек Раҳмоновнинг фикрлари билан қизиқдик. 

"Тошкентда ўтказиладиган жаҳон чемпионатига тайёргарлик юқори даражада ўтмоқда. Бош мураббийимиз Роман Ильдарович Шакиров бошчилигида мусобақага тайёргарлик дастури ишлаб чиқилган. Ҳозирги кунда ушбу дастурнинг сўнгги босқичида иш олиб боряпмиз. Самбочиларимизнинг кайфияти аъло даражада. Мусобақада ватанимиз шарафини муносиб ҳимоя қила оламиз. 

Энг асосий мақсадим - олтин медални қўлга киритиб, ўзимга билдирилган ишончни оқлашдир. 

Жаҳон чемпионатига етиб келгунга қадар, ҳар бир спортчи жиддий меҳнат қилади, турли тўсиқлардан ўтади. Мусобақадаги барча рақибларимга бир ҳил муносабатдаман. 

Мазкур жаҳон биринчилигининг ватанимизда ўтказилаётгани бизга қўшимча масъулият ва ғайрат бермоқда. Устозларимиз, яқинларимиз ва албатта мухлисларнинг ёнимизда бўлиши бизга рухий томонлама куч беради", - деди Улуғбек Раҳмонов.

Ўзбекистон самбо ассоциацияси матбуот хизмати