09 июн 22:51
Янгиликлар
Таэквондо
Улуғбек Рашитов Рим Гран-Приси чемпиони!
Бугун Италия пойтахти Рим шаҳрида таэквондо WT бўйича Гран-При таснифига кирувчи мусобақа старт олди.
Бугунги кун доирасида Ўзбекистон терма жамоасининг икки нафар вакили - Улуғбек Рашитов (-68 кг) ва Никита Рафалович (+80 кг) иштирок этиши ҳақида хабар берган эдик.
Қувонарлиси шундаки, ҳар икки вакилимиз бирин-кетин рақибларини енгган ҳолда финал жангига етиб келди. Бироз аввал Улуғбек Рашитовнинг венгриялик Марк Левентега қарши финал жанги якунланди. Унда Токио-2020 Олимпиадаси ғолиби бўлмиш Улуғбек Рашитов 2:0 ҳисобида ғалаба қозонди ва Рим Гран-Приси ғолиблигини қўлга киритди.
Бироздан сўнг, Никита Рафалович Буюк Британия вакили Каден Куннингемга қарши финал жангида даянга кўтарилади.
Эслатиб ўтамиз, Рашитов аввалроқ Бокуда (Озарбайжон) бўлиб ўтган катталар ўртасидаги жаҳон чемпионатида бронза медалини қўлга киритган эди.
Ҳавола :
Манба : olamsport.com
Фикрлар