Умидли қозоқ UFC жангчиси Дамир Исмагулов фаолиятини якулаганини эълон қилди

Асли россиялик, Қозоғистон номидан UFC октогонида жанг қилиб келган 31 ёшли Дамир Исмагулов (24-2) спортчилик фаолиятини якунлади.

"Афсуски, соғлиғим билан боғлиқ муаммолар туфайли спортдаги фаолиятимни якунлашга мажбурман. Жангларда қандай натижа бўлишидан қатъий назар, ёнимда бўлган, чин дилдан мухлислик қилган ва қайғурган барчага раҳмат. Бу доимо ёдда қоладиган қизиқарли саёҳат бўлди. Ҳаммани қучиб қоламан", - деб ёзган Исмагулов Инстаграм тармоғидаги расмий саҳифасида.

Исмагулов сўнгги бор 2022 йил 17 декабрь куни Лас-Вегас (АҚШ)да ташкиллаштирилган UFC Fight Night мусобақаси доирасида россиялик Арман Царукян (18-3)га қарши октагонга кўтарилиб, ҳакамлар қарори билан мағлуб бўлган эди.