"Унга бу хабаримни етказинг": Махачев Оливейранинг мураббийига мурожаат қилди

"Оливейранинг мураббийи мендан Бразилияда жанг қилишимни сўради. Унга хабаримни етказинг: "Мен унинг мамлакатига отда бораман, чемпионлик камарини олиб, Доғистон тоғларига олиб қайтаман. Унинг жойи шу ер!", — деб ёзади Махачев ижтимоий тармоқдаги саҳифасида.

Аввалроқ, Чарльз Оливейранинг мураббийи Диего Лима ўз тарбияланувчиси россиялик Ислам Махачев билан эҳтимолий жанги ҳақида гапирганди. У Абу-Даби ўрнига Бразилияда жанг қилиш истаги борлигини ҳам билдирди.

Эслатиб ўтамиз, Оливейра Гэтжига қарши октагонга кўтарилиб, биринчи раунддаёқ бўғиш усули билан ғалаба қозонганди. Бироқ, ушбу дивизионда камар вакант қолмоқда. Бунга сабаб Чарльз жанг олди тарозидан ўта олмаганди. 

Ислам Махачев эса навбатдаги жангини Бенеил Дариушга қарши ўтказиши кутилмоқда. Жанг санаси ҳали номаълум.