"Уни мағлуб эта олишимни биламан". Сехудо — Волкановски билан жанг ҳақида

"Айтганимдек, Зомби билан жанг қилганимда, бу бошқача жанг бўларди. Александр Волкановски билан жанг қила олишимни, уни ҳали ҳам мағлуб эта олишимни биламан. Уни ўлдирмайман, шунчаки ураман. Жангда ундан ақллироқ, устунроқ бўламан. Бундай одамга қарши чиқиш учун ҳали ҳам маҳорат, тезлик, курашиш қобилияти, интеллект, тажриба, чидамлилик ва жасоратга эга эканлигимга ишонаман.

Лекин бу сизга, мухлисларга ва Дана Уайтга боғлиқ. Буни хоҳлашимни улар билади. Бу ҳақда аввалроқ айтгандим: агар Александр билан бу борада пул ишлай олсак, мен уч бор чемпионликка эришган илк жангчи бўлишим, ёки у жим бўлиши мумкин. Бу барча учун завқли бўлади. Ҳамма буни томоша қилади, биламан. Хўш, нима бўлди, Дана?", - деди Сехудо.