United Cup. Циципас тай-брейкда Димитровни мағлуб этиб, Грецияга ғалаба келтирди

Бироз аввал "А" гуруҳидан ўрин олган баҳс якунланди. Унда жаҳоннинг 4-ракеткаси, грециялик Стефанос Циципас Болгария вакили Григор Дмитровга қарши кортга чиқди. 

2 соату 12 дақиқа давом этган учрашувда Греция вакили 4/6, 6/2, 7/6 ҳисобида ғалаба қозониб, терма жамоасига ғалабани тақдим этди. 

Теннисчилар шу вақтга қадар 6 бор тўқнаш келган бўлса, шуларнинг 5 тасида грецияликнинг қўли баланд келган. 

Айни вақтда Греция ва Болгария ўртасидаги ҳисоб 2:0, Греция фойдасига.