"Универсал"да ўтган “Ўзбекистон Республикаси Бош прокурори кубоги”дан ФОТОРЕПОРТАЖ

Ўзбекистон Республикаси Президентининг 2020 йил 4 ноябрдаги “Кураш миллий спорт турини ривожлантириш ва унинг халқаро нуфузини янада ошириш чора-тадбирлари тўғрисида”ги  4881-сонли қарори ижросини таъминлаш мақсадида Тошкент шаҳридаги “Универсал” спорт саройида “Беш ташаббус олимпиадаси” дастури доирасида “Ўзбекистон Республикаси Бош прокурори кубоги” мусобақалари ниҳоясига етди. Вилоятлардан ташриф буюрган 80 нафардан зиёд полвон ғолиблик йўлида муросасиз беллашувларда куч синашишди.

Қиз болалар ўртасида кечган беллашувларда Малоҳат Бобоназарова (Қашқадарё), Марҳабохон Хабибуллаева (Андижон), Гулираъно Сувонқулова (Навоий), Амина Мамедова (Тошкент шаҳри), Дилшода Амирова (Қашқадарё), Моҳинисо Сабриева (Бухоро)ларга тенг келадиган рақиба топилмади.

Ўғил болалар ўртасида бўлиб ўтган беллашувларда Қувончбек Нарзуллаев (Қашқадарё), Муҳаммадрасул Ғаниев (Фарғона), Қувонч Ғайбуллаев (Қашқадарё), Умид Райимов (Жиззах), Отабек Нурматов (Қашқадарё), Жасур Таганов (Қашқадарё)лар шоҳсупанинг энг юқори поғонасидан ўрин эгаллашди.

Ғолиб ва совриндорлар ташкилотчилар томонидан таъсис этилган диплом, медаль ва қимматбаҳо совғалари билан тақдирланишди.

Алимурод МАМАДАМИНОВ, ўз мухбиримиз