13 июл 12:22
Янгиликлар
Теннис
Универсиада-2019. Султонов яккалик баҳсларида финалга чиқди
Италиянинг Неаполь шаҳрида Бутунжаҳон талабалари ўртасида ўтказилаётган Универсиада-2019 ўйинлари давом этмоқда.
Теннисчиларимиз мусобақада зафарли юришларини давом эттиришмоқда. Яккалик баҳсларида финал йўлланмаси учун кортга чиққан Ҳумоюн Султонов франциялик Лукас Поуллаинни 6/0, 6/3 ҳисобида мағлуб этди.
Дастлабки ўйинларда Шри Ланка, Португалия ва Кипр вакилларини йирик ҳисобда мағлуб этган юртдошимиз чорак финалда америкалик Кееган Жамес Смитдан 6/1, 6/2 ҳисобидан устун келган эди.
Ўзбекистоннинг 5-рақамли ракеткаси бўлган ёш умидли теннисчимиз Ҳумоюн Султонов жаҳон рейтингида 380-ўринни эгаллаб турибди.
Эслатиб ўтамиз, кеча Ҳумоюн Султонов ва Санжар Файзиев тандеми ярим финалда хитойликларни мағлуб этиб, универсиаданинг сўнги босқичига чиқишган эди.
Ҳавола :
Манба : minsport.uz
Фикрлар