Универсиада. Мусобақаларга старт берилди

Хусусан, Тошкент вилояти ҳудудида жойлашган тўртта олийгоҳларда таҳсил олаётган талабалар ҳам Ўзбекистон Республикаси Вазирлар Маҳкамасининг 2018 йил 25 октябрдаги 864 – сонли қарорига асосан  ”Универсиада – 2019” мусобақаларининг вилоят саралаш босқичини бошлаб юборишди. 

Тошкент вилояти ҳокимлиги, вилоят жисмоний тарбия ва спорт бошқармаси, Ўзбекистон талабалар спорти ассоциацияси, Тошкент  вилояти минтақавий бўлими, Ўзбекистон Ёшлар иттифоқи Тошкент вилояти кенгаши, вилоятдаги олий ўқув юртлари билан ҳамкорликда9 - март куни Тошкент дават аграр университети стадионида Чирчиқ давлат педагогика институти, Чирчиқ шаҳрида жойлашган Ўзбекистон давлат жисмоний тарбия ва спорт университети, Тошкент давлат техника университети Олмалиқ шаҳар филиали ҳамда Тошкент давлат агрор университети жамоалари      Универсиада дастуридан жой олган спортнинг футбол тури бўйича вилоят  саралаш босқичида иштирок этишди.

Қуръа натижаларига кўра, дастлаб Ўзбекистон давлат жисмоний тарбия ва спорт университети жамоаси билан мезбонлар куч синашишди ва 5: 2 ҳисобида устун келган ЎзДЖТСУ финалга йўлга йўл олди. Тошкент давлат техника университети Олмалиқ шаҳар филиали ва Чирчиқ давлат педагогика институти ўртасидаги ўйинда эса 1:2 натижасига кўра чирчиқлик талаба-спортчилар қўли баланд келди. ЎзДЖТСУ ҳамда Чирчиқ давлат педагогика институти ўртасидаги финал ўйинида 2:0 натижаси қайд этилди ва ЎзДЖТСУнинг футбол жамоаси ғолибликни тантана қилишди. 

Мусобақа якунига етгач, ғолиб ва совриндорларга диплом ва эсдалик совғаларини   Тошкент вилоят жисмоний тарбия ва спорт бошқармаси бошлиғи Дониёр Рихсибоев ҳамда Ўзбекистон талабалар ассоциацияси Тошкент вилояти минтақавий бўлими раиси ўринбосари Рустам Бобоқуловлар топширишди.

Илҳом РАҲМОНОВ