Уоррен Уордлининг Дюбуа билан реванш ҳуқуқига эга эканлигини айтди

"Шартномада реванш жанги тўғрисида банд бор, - деди ҳар икки боксчининг манфаатларини ҳимоя қилаётган промоутер Фрэнк Уоррен. — Озгина вақт ўтсин, кутайлик. Яқин бир неча ой ичида супероғир вазнда кўп нарса содир бўлади, кейин эса кўрамиз.

Аммо Дюбуа қайтиб келади, Фабио ҳам ҳеч қаёққа кетмайди. У қайтиб келади. У мард ва жасур йигит. Иккала йигит олдида ҳам шляпамни ечаман", - дея қўшимча қилди Уоррен.

Уордли собиқ жаҳон чемпиони Дюбуага қарши биринчи чемпионлик ҳимоясидан олдин кичик фаворит бўлган ва жанг бошида уни икки марта нокдаунга учратган. Аммо кейин Дюбуа ташаббусни қўлга олишга ва ўн биринчи раундда муддатидан олдин ғалаба қозонишга муваффақ бўлганди.

"Бу ажойиб жанг эди. Раҳмат, Фабио, - деди Дюбуа. — Менда жасорат етарли. Мен нокдаунларни енгиб ўтиб, жангга қайтдим. Унга ажойиб жанг учун миннатдорлик билдираман. У билан рингда учрашиш мен учун шараф эди".