12 сен 17:59
Янгиликлар

Теннис

US Open аралаш жуфтлик турнирида ким ғолиб чиқди?

"Катта Дубулға" туркумига кирувчи АҚШ Очиқ чемпионатининг микст, яъни аралаш жуфтлик мусобақасида ҳам ғолиблар аниқланди.

Америкалик Дезайр Кравчик ҳамда британиялик Жо Сэлисбери ҳамкорлиги US Open микст турнири бош совринини қўлга киритишди. Улар финал учрашувида сальвадорлик Марсело Аревало ва мексикалик Гильяна Олмос жуфтлигини мағлуб этишди - 7/5, 6/2.

US Open турниридаги муваффақиятли иштирок Кравчик ва Сэлисберига 160,000 доллар мукофот пули тақдим этди. Аревало ва Олмос эса 78,000 доллардан ишлаб олишди.