08 сен 08:56
Янгиликлар

Теннис

US Open. Элина Свитолина 73-ракеткага ютқазиб қўйди

US Open турнирининг аёллар ўртасидаги чорак финал учрашувида кутилмаган натижа қайд этилди.

Сайёрамизнинг бешинчи рақамли теннис маликаси, украиналик Элина Свитолина кутилмаганда WTA рейтингининг 73-поғонасидан жой олган канадалик Лейла Фернандесга ютқазиб қўйди - 3/6, 6/3, 6/7(5).

Учинчи сетни 2/5 ҳисобида бой бераётган Элина камбэкни амалга ошириб, вазиятни тай-бреккача олиб борди. Аммо, ҳал қилувчи паллада Фернандес яна ўзини кўрсатиб, шов-шувли ғалабасини тантана қилди. Теннисчиларнинг ўзаро учрашувларидаги ҳисоб мувозанати ҳам тикланди - 1:1.

Икки соату 24 дақиқа давом этган баҳс мобайнида 27 ёшли Свитолина 8 та, 19 яшар Фернандес эса 1 та эйс зарбасини амалга оширди. Энди Лейла US Open ярим финалида чехиялик Барбора Крейчикова ёки беларуслик Арина Соболенкога қарши кортга чиқади.