US Open. Жокович учинчи давра учрашувида кортга чиқди

Дунёнинг биринчи ракеткаси Новак Жокович бош соврин учун асосий даъвогар бўлиб турибди. Сербиялик теннисчи учинчи даврада ATP рейтингининг 56-поғонасидан жой олиб турган япониялик Кеи Нишикорини 6/7(4), 6/3, 6/3, 6/2 ҳисобларида мағлуб этди.

Баҳс 3 соату 35 дақиқа давом этган ва унда 34 ёшли Новак 15 та, 31 яшар Кеи эса 6 та эйс зарбасини ижро этган. Теннисчиларнинг ўзаро учрашувларида Новак катта фарқ билан олдинда бормоқда - 20:2. Жоковичнинг 1/8 финалдаги рақиби россиялик Аслан Карацев ҳамда британиялик Женсон Бруксби учрашувидан сўнг маълум бўлади.