28 авг 11:58
Янгиликлар

Теннис

US Open. Карлос Алькарас рақибини деярли "сухой"га ютди

Дунёнинг иккинчи ракеткаси Карлос Алькарас "Катта Дубулға" туркумига кирувчи АҚШ Очиқ чемпионатининг иккинчи даврасида осон ғалабага эришди.

Испаниялик теннисчи 98 дақиқа давом этган баҳсда ATP рейтингида 65-ўринни эгаллаб турган италиялик Маттиа Беллуччига бор йўғи учта геймни ютиб олиш имконини берди холос - 6/1, 6/0, 6/3.

Теннисчиларнинг ўзаро учрашувларидаги ҳисоб 2:0 кўринишига келди. Алькарас 7, Беллуччи 2 та эйс зарбасини амалга оширган. Иккала теннисчи ҳам 2 тадан қўшхатога йўл қўйган. Брейклар бўйича мутлақ устунлик Карлос томонида бўлди - 7 га 0. Энди у учинчи даврада яна бир италиялик теннисчи Лучано Дардерига қарши кортга чиқади.