US Open. Сайёрамизнинг биринчи рақамли теннис маликаси ҳам бошлади

Сайёрамизнинг биринчи ракеткаси Эшли Барти мусобақанинг биринчи даврасида россиялик Вера Звонарёвани мағлубиятга учратди - 6/1, 7/6(7). Тўқсон дақиқа давом этган учрашувда 25 ёшли Эшли 11 та, рейтингнинг 101-поғонасини эгаллаб турган 37 яшар Вера эса 2 та эйс зарбасини ижро этди. 

Бу теннисчиларнинг ўзаро ўтказган илк учрашуви сифатида тарихга муҳрланди. Энди Эшли Барти АҚШ Очиқ чемпионатининги иккинчи даврасида даниялик Клара Таусонга қарши кортга чиқади. Таусон биринчи босқичда франциялик Клара Бюрелдан 7/5, 6/0 ҳисобларида устун келди.