US Open турнирининг илк ярим финалчиси маълум

Дунёнинг иккинчи ракеткаси Даниил Медведев эркаклар ўртасидаги мусобақанинг илк ярим финалчисига айланди. Россиялик теннисчи 2 соату 23 дақиқа давом этган баҳсда рейтингнинг 117-поғонасидан жой олиб турган нидерландиядик Ботик Ван де Зандшульпдан 6/3, 6/0, 4/6, 7/5 ҳисобларида устун келди.

Учрашув давомида 25 ёшли Медведев 13 та, турнир кашфиётига айланган Ботик 4 та эйс зарбасини ижро этди. Бу теннисчиларнинг ўзаро ўтказган илк учрашуви эди. Медведевнинг ярим финалдаги рақиби канадалик Феликс Оже ҳамда яна бир кашфиёт - испаниялик Карлос Алькараз ўртасида ўтказиладиган баҳс ғолиби бўлади.