31 авг 17:52
Янгиликлар

Бокс/ММА

Усик Энтони Жошуа — Даниэль Дюбуа жанги учун "Уэмбли"га боради

Супероғир вазнда WBA, WBC, WBO ва IBO йўналишлари чемпиони Александр Усик Лондонга борадиган бўлди.

У 21 сентябрь куни вазнидаги муҳим жангни бевосита аренада томоша қилади. Лондондаги муҳташам "Уэмбли" стадионида ўтадиган британияликлар дербисида собиқ чемпион Энтони Жошуа ҳамюрти Даниэль Дюбуага қарши рингга кўтарилади.

"Александр Усик 21 сентябрь куни "Уэмбли"да Энтони Жошуа - Даниэль Дюбуа жангини томоша қилади", — деди таниқли репортёр Майкл Бенсон.

Маълумот учун, Энтони Жошуа - Даниэль Дюбуа жанги ғолиби IBF чемпионлик камарини қўлга киритади. Ушбу камарни Усик вакант қолдирган эди. Жошуа профессионал рингда 28 ғалаба ва 3 мағлубият, Дюбуа эса 21 ғалаба ва 2 мағлубият қайд этган.