Усик Украинадан чиқиб кетиши ҳақида илк бор фикр билдирди

"Жошуага қарши реваншга тайёргарлик кўришга қарор қилдим. Шу тариқа, мен Киев кўчаларида қурол билан югуриб юргандан кўра кўпроқ мамлакатимга фойдам тегиши мумкинлигини тушуниб етдим. Жуда кўп яқинларим қўнғироқ қилиб, кетишим кераклигини айтишди. Эзгулик ёвузлик устидан доим ғалаба қозонган. Барчага омад!", - дея фикр билдирган Усик.

Эслатиб ўтамиз, Усик ва Жошуа ўртасидаги реванш жанги аслида май ойида бўлиб ўтиши керак эди. Вазият ўзгаргани сабаб энди чемпионлик жанги ёз фаслида бўлиб ўтади.