Усик ва Фьюрининг реванш жангидан қанча пул ишлаб олишлари маълум бўлди

Реванш жанги учун Усик умумий маблағнинг 60, Фьюри эса 40 фоизини олади. The Sportster нашри тарқатган хабарга кўра, гонорарнинг умумий миқдори 190 миллион долларни ташкил қилади. Усик 114 миллион, Тайсон эса 76 миллион долларни қўлга киритади.

Улар ўртасидаги жанг 21 декабрь куни Саудия Арабистони пойтахти Ар-Риёд шаҳрида бўлиб ўтади. Мазкур кардда ўзбекистонлик собиқ жаҳон чемпиони Исроил Мадримов украиналик Сергей Богачукка қарши рингга кўтарилади.