Усикнинг собиқ промоутери Александрга фаолиятини якунлашни маслаҳат берди

Красюкнинг фикрича, Усик Рико Верхувенга қарши кечган жангнинг 11 раундидан бор йўғи 3 тасини юта олди, холос. Бу эса унинг фаолиятини якунлаши учун ишора.

"Тўғрисини айтсам, агар мен унга маслаҳат берганимда, унинг кейинги рақиби оилавий ишлари ёки эҳтимол, бизнеси бўларди, - деди Красюк Boxing King Media каналига берган интервьюсида. - У тўхташи керак. Икки дақиқа кечиккандан кўра, бир соат олдин кетган маъқул. Афсуски, бу нафақат бокс учун, балки ҳаётдаги бошқа ҳамма нарса учун ҳам тўғри. Дунёдаги барча пулларни ишлаб топиб бўлмайди ва барча рақибларни мағлуб этиб бўлмайди. Бу чўққига чиққан ва мағлубиятга учрамаган Усик каби одам учун жуда қийин қарор. Лекин келажакни ўйлаш керак. Унга барча даврларнинг энг буюк ва машҳур боксчиларидан бири сифатида хотирада қолиши учун фаолиятини ҳозир якунлашини чин қалбимдан тилайман.

У аввалгидек кўринмасди, - деб қўшимча қилди промоутер. — Усик фаолиятидаги энг катта вазн билан чиқди. Рикога қарши жангда ҳам Дюбуа билан олдинги жангдаги тенденция давом этганига эътибор бердингизми? У оёғида анча кам ҳаракат қиладиган бўлиб қолган. У кучлироқ зарба бериш ҳақида кўпроқ қайғуради ва бунинг оқибатида оёқда кам ҳаракат қилади".